Tuesday, 10 September 2013


يوم الجمعة 6 سبتمبر 2013 لقيت الإعلان ده على جريدة الأهرام ..
[[مطلوب محاسبين ومدخلين بيانات للجنسين خبرة وبدون لمجموعة شركات كبرى برواتب ومميزات مجزية جدا 01122319266 ارسل وظيفتك وسيرتك بالبريد الإلكترونى zk921@yahoo.com]]
بعتلهم السى فى بتاعى وكل الأوراق المطلوبة عشان اقدم على وظيفة مدخل بيانات .. النهاردة لقيتهم باعتينلى رسالة ع الايميل مكتوب فيها " الموافقة المبدئية على تعيينكم محاسب أو مدخل بيانات بشركة استيراد وتصدير بفرع مصر أو الكويت أو الإمارات " .. ومع الرسالة ملف مرفق هاحطلكم اللينك بتاعه وهاقولكم التفاصيل ..
1- فى اول الرسالة لقيتهم كاتبين "من ادارة شئون العاملين بشركة Z.U.Sالمصرية الخليجية متعددة الجنسيات للإستيراد والتصدير " دخلت جوجل وكتبت اسم الشركة بالعربى والانجليزى وملقتش اى بيانات عنها .
2- كاتبين مرتبات خيالية قال ايه " 2500" جنيه فى مصر و 1000 دولار فى الكويت او الامارات وكمان كل التكاليف من تذكرة طيران لإقامة لتأشيرة وكمان تاخد مراتك معاك كل التكاليف دى على حسابهم " طبعاً انا امى مش داعيالى للدرجادى ".
3- كاتبين ان الشركة وافقت مبدئياً على التعيين لكن بشرط ( ايه هوا بقى الشرط ده ؟ ) طالبين شهادة تقييم من " الأكاديمية الدولية لتدريب المحاسبين المصرية المعتمدة بالقاهرة TEXON الكائنة ب : 34ش عماد الدين _ ميدان رمسيس : 0225793569 & 01116555793 " وطبعاً الشهادة دى بـ 500 جنيه وبعد ما تبعتهالهم يقولولك مش عاوزينك .. وتقدروا تتأكدوا من اللينك ده ..
http://ejabat.google.com/ejabat/thread?tid=4266f84c06b354c7
الشركة بتعمل ايميلات وخطوط موبايلات جديدة فى كل اعلان وتستخدم نفس الاسلوب القذر للمتاجرة بآلام الشباب .
دى الرسالة اللى بعتهولى ع الايميل
http://word.office.live.com/wv/WordView.aspx?FBsrc=http%3A%2F%2Fwww.facebook.com%2Fattachments%2Fdoc_preview.php%3Fmid%3Dmid.1378674860806%253Ab6780c5c99e31f3e40%26id%3Dc75499ec0f2a0cc8fce3e4a87900e75b%26metadata&access_token=100001518212592%3AAQDR4Yhe7jEc6h6Q&title=File
ياريت يا جماعة شير فى كل مكان عشان محدش يقع مع الناس دي
Posted by Hire Me on 02:04

Bookmark Us

Delicious Digg Facebook Favorites More Stumbleupon Twitter

Search